Halifax Memorial Marscherwald

D'Halifax-Monument am Marscherwald ass e Monument dat zanter Oktober 2013 drun erënnert, datt op där Plaz den 28. August 1943 en Halifax-Bommefliger, dee vun der däitscher Loftwaff getraff gi war, erofgefall ass. De Fliger war en Halifax Mk II mat der Seriennummer JD-298 vun der 158. RAF-Schwadroun, deen um Fluchfeld vu Lissett am Ost Riding vu Yorkshire fortgeflu war fir Nürnberg ze bombardéieren.